|
|
|||||||||||||||||||||||||||||||||||||||
|
|||||||||||||||||||||||||||||||||||||||||
|
| N’El Altu Ayer alcontramos esta melodía pa dos coses bien estremaes: en La Polavieya cantáronmoslo seliquín pa la danza y nel llugar de Casomera más llixeru con pandereta pal agarráu. Nós facemos la versión que mos enseñaren les hermanes Anita y Julia, naturales de Yananzanes y vecines de Casomera. |
|
| En mio casa mando yo, Maruxa, y si quiero rompo un pletu, Maruxa, sí, sí, Maruxa, non, non, Maruxa, y si me da pola gana, Maruxa, écho-y un churizu al guetu, Maruxa, sí, sí, Maruxa, non, non, Maruxa. San Cipriano, San Cipriano, Maruxa, qué faes ahí tan sentéu, Maruxa, sí, sí, Maruxa, non, non, Maruxa, siendo'l día del to sentu, Maruxa, tenías que tar enfiléu, Maruxa, sí, sí, Maruxa, non, non, Maruxa. L.lievo los zapatos rotos, Maruxa, de subir a L'Atelaya, Maruxa, sí, sí, Maruxa, non, non, Maruxa, por ver si veo venire, Maruxa, al mio amante de L'Habana, Maruxa, sí, sí, Maruxa, non, non, Maruxa. Ente La Pola y El Pino, Maruxa, hai una piedra reonda, Maruxa, sí, sí, Maruxa, non, non, Maruxa, onde se sientan los mozos, Maruxa, cuando baxan de la ronda, Maruxa, sí, sí, Maruxa, non, non, Maruxa. Vo cantar la despedía, Maruxa, cara de güivu tostéu, Maruxa, sí, sí, Maruxa, non, non, Maruxa, tienes las patas torcías, Maruxa, y el focicu xamusquéu, Maruxa, sí, sí, Maruxa, non, non, Maruxa. |
